रत्नागिरी शहर प्रमोद महाजन कीडा संकुलासमोरील फुटपाथवर दारु पिऊन मद्यधुंद अवस्थेत सापडलेल्या तरुणांवर गुन्हा दाखल.

रत्नागिरी : शहरातील काँग्रेसभुवन रोडवरील प्रमोद महाजन कीडा संकुलासमोरील फुटपाथवर दारु पिऊन मद्यधुंद अवस्थेत सापडलेल्या 5 तरुणांवर शहर पोलीस ठाण्यात गुन्हा दाखल करण्यात आला आहे. वर्ष अखेर आणि नवीन वर्षाच्या सुरुवातीच्या निमित्ताने पोलीस कारवाईसाठी सज्ज होते. पोलीस विभागाकडून रत्नागिरी जिल्ह्यासाठी सूचना देखील जाहीर करण्यात आल्या होत्या तरी देखील उत्साहाच्या भरात अनेकांकडून नियमांची पायमल्ली केली दिसून आली.

रत्नागिरी शहरातील काही तरुण मध्य धुंद अवस्थेत सापडले त्यांच्यावरती कारवाई करण्यात आली आहे. सुशांत सुनील जोशी (36, झाडगाव, मुरुगवाडा, रत्नागिरी), बिपीन ईश्वरलाल टुकडीया (40, भडंग तिठा, मांडवी), आदित्य मिलींद भाटकर (26, भाट्ये, महाजन वाडी), इशांत दीपक नागवेकर (38, मुरुगवाडा, कावळेवाडी, रत्नागिरी), जुबेर निसार निशानदार (39, पठाणवाडी, भगवतीबंदर, रत्नागिरी) अशी गुन्हा दाखल करण्यात आलेल्या 5 जणांची नावे आहेत.