दापोली : दापोली केळशी येथील तरुणीला लग्नाचे आमिष दाखवून बलात्कार केल्याची घटना घडली आहे. पोलिसांनी पीडित तरुणीच्या तक्रारीनंतर संशयित तरुणावर गुन्हा दाखल केला आहे. मुदस्सीर दाउद अल्बा (केळशी किनारा मोहल्ला, दापोली) असे गुन्हा दाखल करण्यात आलेल्या तरुणाचे नाव आहे.
पोलिसांनी दिलेल्या माहितीनुसार, मुदस्सीर अल्बा हे पीडित तरुणीचा मावस भाऊ आहे. तो पीडितेच्या घरी येऊन – जाऊन होता. त्यांच्यात सारखी बोलणी होत असत. नंतर त्याचे मैत्रीचे रुपांतर प्रेमात झाले. फेब्रुवारी 2012 पासून त्यांच्यात प्रेमसंबंध निर्माण झाले. या दरम्यान मुदस्सीर याने पीडितेला मी तुझ्याशी लग्न करणार आहे असे सांगितले. पीडितेचा त्याच्यावर विश्वास बसला.
दरम्यान पीडितेने त्याला विचारले तू लग्न कधी करणार, यावर मुदस्सर याने सांगितले की, मी लग्न करायला तयार आहे पण माझ्या आईला तू पसंत नाही. त्यामुळे मी तुझ्यासोबत लग्न करु शकत नाही. या नंतर पीडितेच्या आपली फसवणूक झाल्याचे लक्षात आले. लग्नाचे आमिष दाखवून आपल्याशी शारीरिक संबंध प्रस्तापित करत फसवणूक केल्याप्रकरणी पीडितेने दापोली पोलीस ठाण्यात तक्रार दाखल केली. पोलिसांनी मुदस्सीर याच्या लग्नाचे आमिष दाखवून तरुणीवर बलात्कार केल्याप्रकरणी गुन्हा दाखल करण्यात आला आहे. अधिक तपास पोलीस करत आहेत.
*दखल न्यूज महाराष्ट्र.*
लग्नाचे आमिष दाखवून दापोलीतील तरुणीवर बलात्कार, तरुणावर गुन्हा दाखल.
