कर्जत आगार नेहमीच रायगड विभागातील एक महत्त्वाचा आगार म्हणून भूषविला जातो. चालक वाहक नेहमीच उत्तमोत्तम सेवा देण्यासाठी नेहमीच प्रयत्न करित असतात. तसेच कर्जत आगाराचा पसारा देखील भरपूर मोठा आहे. लांब पल्ला मध्यम लांब पल्ला तसेच तालुक्यातील खेड्या पाड्यात आगारामार्फत ग्रामीण मार्ग चालविले जातात. याच कर्जत आगारातील तसेच इतर आगारातील चालक वाहकांना उत्तमोत्तम कामगिरी बजावण्यासाठी प्रेरणा मिळावी व प्रवासी सेवेत अधिकाधिक सुधार व्हावेत या हेतूने रायगड एसटी प्रेमी ग्रुप तर्फे उत्कृष्ट चालक व उत्कृष्ट वाहक अशी महत्वाकांक्षी स्पर्धा माहे डिसेंबर २०२४ मध्ये राबविण्यात आली.तसेच या स्पर्धेची सांगता २६ जानेवारी २०२५ म्हणजेच प्रजासत्ताक दिनाच्या निमित्ताने करण्यात आली.
या स्पर्धेत माहे डिसेंबर २०२४ मध्ये उत्तम कामगिरी बजावून उत्कृष्ट उत्पन्न आणणारे वाहक श्री मिठू आंधळे यांनी प्रथम तर श्री.संपत नांगरे यांनी द्वितीय क्रमांक मिळवला, तर श्री दशरथ भांगरे यांनी तृतीय क्रमांक पटकावला. तसेच वाहन चालविण्याचे उत्तम कौशल्य दाखवून कमीत कमी इंधनात जास्तीत जास्त किमी चालवून उत्कृष्ट चालक म्हणून श्री अमोल धनवी यांनी प्रथम तर द्वितीय क्रमांक श्री प्रविण खैरे तर तृतीय क्रमांक श्री तिप्पाण्णा चव्हाण यांनी पटकावला. तसेच आणखी उत्तेजनार्थ कामगारांचा देखील सत्कार करण्यात आला.
आगारात बसेस व कर्मचारी वर्ग कमी असून देखील आगार व्यवस्थापक श्री देवानंद मोरे सर व कर्मचारी वृंद एसटी चा उत्पन्न वाढीसाठी व तालुक्यातील लोकांना उत्तम सुविधा मिळवून देण्यासाठी नेहमीच प्रयत्नशील असतात. प्रसंगी कर्जत आगाराच्या आगार व्यवस्थापक श्री देवानंद मोरे, वाहतूक नियंत्रक दीपक देशमुख व विलास बागुल,स वा नी महादेव पालवे सर व आशोक पालवे उपस्थित होते तसेच आम्ही रायगडकर लालपरी प्रेमी ग्रुपचे श्री कौस्तुभ मोकल, श्री ओमकार म्हात्रे तसेच एस टी प्रेमी फरहान होडेकर व श्री प्रमोद गडकरी उपस्थित होते.
प्रजासत्ताक दिनानिमित्त कर्जत आगारात उत्कृष्ट चालक व वाहक यांचा सन्मान करण्यात आला.
