रत्नागिरी :- शासनाच्या ज्या निवृत्तीवेतन धारकांना रत्नागिरी जिल्हा कोषागाराकडुन निवृत्तीवेतन प्रदान केले जाते अशा सर्व निवृत्तीवेतन धारकांनी ०१ नोव्हेंबर २०२२ रोजी हयात असलेबाबतचे “हयात प्रमाणपत्र” (Life Certificate) ०१ नोव्हेंबर २०२२ ते दिनांक ३० नोव्हेंबर २०२२ या कालावधीत सादर करणे बंधनकारक आहे. संबंधित निवृत्तीवेतनधारकाचे हयात प्रमाणपत्र विहित मुदतीत कोषागारात प्राप्त झाल्याशिवाय पुढील निवृत्तीवेतन प्रदान केले जाणार नाही. बँकेमार्फत निवृत्तीवेतन घेणाऱ्या निवृत्तीवेतन धारकांनी कोषागार कार्यालयाकडुन संबंधित बँकेकडे पाठविण्यात आलेल्या घोषणापत्रावर स्वतः हयात असलेबाबत बँक मॅनेजरचे समक्ष दिनांकित स्वाक्षरी करावी. सदरची घोषणापत्रे संबंधीत बँकांकडे पाठविणेत आलेली आहेत.
पुनर्नियुक्त/ पुनर्विवाह केलेल्या कुटुंब निवृत्तीवेतन / निवृत्तीवेतन धारकांकरीता नियमित नमुना वापरावा. मनिऑर्डरव्दारे निवृत्तीवेतन घेणाऱ्या निवृत्तीवेतन धारकांचे हयात दाखल्यांचे नमुने या कोषागार कार्यालयाकडुन संबंधितांचे पत्त्यावर पाठविण्यात आलेले आहेत. त्यांनी स्वत:चे हयात दाखले स्वाक्षरीसह पुर्ण करुन कोषागार कार्यालयाकडे परस्पर पाठविण्याची व्यवस्था करावी. अधिक माहितीसाठी कोषागार कार्यालयाकडे संपर्क साधावा, असे जिल्हा कोषागार अधिकारी, रत्नागिरी यांनी कळविले आहे. दखल न्यूज महाराष्ट्र..
