बातम्या

वाटूळ – दाभोळे मार्गावर कोर्ले येथे वाहनाच्या धडकेत बिबट्याचा मृत्यू..

लांजा – (प्रमोद तरळ) तालुक्यातील वाटूळ – दाभोळे मार्गावर कोर्ले येथे अज्ञात वाहनाच्या धडकेत नर जातीचा बिबट्या ठार झाल्याची घटना घडली आहे शुक्रवारी पहाटे ३ ते ४ वाजण्याच्या दरम्यान या बिबट्याचा मृत्यू झाला असावा असा अंदाज वन विभागाकडून वर्तविण्यात आला आहे
सदर घटनेबाबत वनविभागाकडून देण्यात आलेल्या माहितीनुसार लांजा तालुक्यातील वाटूळ दाभोळे मार्गावर कोर्ले येथे अज्ञात वाहनाच्या धडकेत बिबट्या ठार झाल्याची माहिती कोर्ले गावचे पोलिस पाटील अली अब्दुल साठविलकर यांनी याबाबतची माहिती लांजा वनपाल दिलीप आरेकर यांना दिली त्यानंतर वनपाल आरेकर आणि रत्नागिरी येथील परिक्षेत्र वनअधिकारी प्रकाश सुतार व त्यांच्या सहकाऱ्यांनी घटना स्थळाला भेट दिली असता वाटूळ दाभोळे मार्गावर कोर्ले येथे सुनील जोशी यांच्या काजू बागेजवळ हा बिबट्या मॄतावस्थेत आढळून आला बिबट्याच्या मागील बाजूस वाहनाची जोरदार धडक बसल्याने त्याच्या मागील पायांच्या मध्ये ८ इंच जखम झाली असून डांबरी रस्त्यावर घासत गेल्याने ही जखम झाली असल्याची शक्यता व्यक्त केली आहे
या मॄत बिबट्याची पशुवैद्यकीय अधिकारी लांजा यांच्याकडून वैद्यकीय तपासणी करण्यात आली असता बिबट्या मणक्या पासून मोडलेल्या अवस्थेत असल्याचे दिसून आले व त्याचा मृत्यू शुक्रवारी पहाटे ३ ते ४ वाजण्याच्या सुमारास झाला असल्याची शक्यता वर्तवली
या घटनेबाबत रत्नागिरी वनक्षेत्रपाल प्रकाश सुतार यांनी अज्ञाताविरोधात गुन्हा दाखल केला असून याप्रकरणी अधिक तपास विभागीय वनाधिकारी रत्नागिरी-चिपळूण दीपक खाडे व सहाय्यक वनसंरक्षक रत्नागिरी-चिपळूण वैभव बोराटे यांच्या मार्गदर्शनाखाली रत्नागिरीचे परिक्षेत्र वनअधिकारी प्रकाश सुतार आणि लांजाचे वनपाल दिलीप आरेकर हे करत आहेत. दखल न्यूज महाराष्ट्र.

जाहिरात…

What's your reaction?

Related Posts

1 of 291

Leave A Reply

Your email address will not be published. Required fields are marked *

error: Content is protected !!